Saturday 12 December 2020

ನಿನ್ನ ಹೊರತು‌ ನಾನು ಏನಾದರೇನು

ನಿನ್ನ ಹೊರತು‌ ನಾನು ಏನಾದರೇನು
ನೀನೆ ಇರದ ಮೇಲೆ‌ ಗೆಲುವು ಶೂನ್ಯವಿನ್ನು
ನಿನ್ನ ನೆನಪಿನಲ್ಲೆ ಕಾಲ ಕಳೆಯಲೇನು
ನೀನು‌ ಕಲಿಸಿಕೊಟ್ಟ ಒಲವೆ ನಿತ್ಯ ಜೇನು


ನೀನೆ ಬದುಕೆಂದು ಹೇಳಾಯ್ತು ಎಂದೊ
ಜೊತೆಗಿರು, ಇರದಿರು ನೀ ನನ್ನ ಬಂಧೋ
ಎರಡು ಮನಸು ಸಾಕು ದಿನವೂ ಸೇರಲು
ಎರಡು ದೇಹ ಮೋಹ ಕ್ಷಣದ ಘಮಲು


ಅಗ್ನಿ ಬೇಡ ಅಕ್ಷತೆ ಬೇಡ‌ ನಮ್ಮ ಮದುವೆಗೆ
ಗಾಳಿಯಲ್ಲಿ ತೇಲಿ ಬರುವ ನಿನ್ನುಸಿರೆ ದೀವಿಗೆ
ಬೆಳಗುತಿರಲಿ, ಕತ್ತಲೆ ಸರಿಸಲಿ ನನ್ನ ಪಾಲಿಗೆ
ಕೈ ಕೈ ಹಿಡಿದು ಸಾಗುವ ಹರಸಲಿ ನಮ್ಮ‌ ಜೊಡಿಗೆ.

-SoNi

No comments:

Post a Comment