ಎಲ್ಲ ಮರೆತು ನಗುತಿರು ಮನವೇ!!

ಎಲ್ಲ ಮರೆತು
ನಗುತಿರು ಮನವೇ
ನಗುವೇ ಜೀವನದ ಗುಟ್ಟು
ನೆಮ್ಮದಿ ಕಲಿತು
ಬಾಳು ಸುಖದಿ
ನಿನ್ನೊಳಗಿನ ಆಸೆಯ ಬಿಟ್ಟು
ಎಲ್ಲಾ ಕ್ಷಣಿಕ!
ಇಲ್ಯಾರು ಪ್ರಮಾಣಿಕ?
ನಲಿವಿಗೆ ನೊಗವನು ಕಟ್ಟು
ನಿನ್ನಲಿ ನೀನು
ಬದುಕಿದರೆ ಸಿಹಿ ಜೇನು
ಬೆಳೆಸು ಕನಸಿನ‌ ಗಿಡ ನೆಟ್ಟು
ಗುರಿಯನು ಹಿಡಿದು
ಗುರು ಹಿರಿಯರ ನೆನೆದು
ಗೆಲುವಿನ ಬಾಗಿಲು ತಟ್ಟು
ಒಲವಿನ ದೋಣಿಲಿ
ಚಲಿಸುವ ನಿನಗೆ
ಪ್ರತಿದಿನವೂ ಹೊಸ ಹುಟ್ಟು!!

ಎಲ್ಲ ಮರೆತು
ನಗುತಿರು ಮನವೇ
ನಗುವೇ ಜೀವನದ ಗುಟ್ಟು!!

ಮುಗಿಯದಂತ ಮಾತಿದೆ ಸಾವಿರ!

ನಿತ್ಯವೂ... ನಿನ್ನ ಜೊತೆ
ಒಂದೆರಡು ಮಾತಾನಾಡೊ ಬಯಕೆಯೂ
ನಿನ್ನಯ... ಧ್ವನಿಯ ಕೇಳಿ
ಮಂದಹಾಸ ಬೀರಿಬಿಡುವ ಆಸೆಯೂ
ತಪ್ಪು ತಿಳಿಯಬೇಡ ನನ್ನ ಪ್ರಾರ್ಥನೆ
ತಂಟೆಮಾಡೊ ಹುಡುಗನಲ್ಲ ಸುಮ್ಮನೆ
ತೋಚಿದೆಲ್ಲ ಹೇಳಲಾರೆ ಪಟ್ಟನೆ
ತೋಡಿಕೊಳ್ಳಬೇಕು ನನ್ನ ಎಲ್ಲ ಯಾತನೆ
ನಿತ್ಯವೂ... ನಿನ್ನ ಜೊತೆ
ಒಂದೆರಡು ಮಾತಾನಾಡೊ ಬಯಕೆಯೂ
ನಿನ್ನಯ... ಧ್ವನಿಯ ಕೇಳಿ
ಮಂದಹಾಸ ಬೀರಿಬಿಡುವ ಆಸೆಯೂ
ಮುಗಿಯದಂತ ಮಾತಿದೆ ಸಾವಿರ
ಮುಪ್ಪಾದರು ತೀರದಷ್ಟು ಕಾತುರ
ಮುನಿಯಬೇಡ ಎಂದು ಕೂಡ ಅಪ್ಸರ
ಮುದ್ದು ಮುಖಕೆ ಪೆದ್ದನಾಗಿಹ ಚಂದಿರ
ನಿತ್ಯವೂ... ನಿನ್ನ ಜೊತೆ
ಒಂದೆರಡು ಮಾತಾನಾಡೊ ಬಯಕೆಯೂ
ನಿನ್ನಯ... ಧ್ವನಿಯ ಕೇಳಿ
ಮಂದಹಾಸ ಬೀರಿಬಿಡುವ ಆಸೆಯೂ
ಗಾಳಿಯಲ್ಲು ನಿನ್ನ ತಬ್ಬಿ ಸೋತಿದೆ
ದಾಳಿ ಮಾಡಿ ನನ್ನ ಮನವ ಕಾಡಿದೆ
ಬಾಳಿನಲ್ಲಿ ನಿನ್ನ ಒಲವೆ ಬೇಡಿದೆ
ಆಳಿನಂತೆ ನಿನಗೆ ದುಡಿಯಬೇಕಿದೆ
ನಿತ್ಯವೂ... ನಿನ್ನ ಜೊತೆ
ಒಂದೆರಡು ಮಾತಾನಾಡೊ ಬಯಕೆಯೂ
ನಿನ್ನಯ... ಧ್ವನಿಯ ಕೇಳಿ
ಮಂದಹಾಸ ಬೀರಿಬಿಡುವ ಆಸೆಯೂೂ

ಬಿಡು ನೀ ಬೇಸರ!

ಬಿಡು ನೀ ಬೇಸರ
ನೋಡಲಾರ ನೇಸರ
ಯಾಕಿಷ್ಟು ಹುಸಿಕೋಪ
ಮಗುವಂತೆ ಅವನು ಪಾಪ
ಬಿಡು ನೀ ಬೇಸರ
ನೋಡಲಾರ ನೇಸರ
ಆ ಮುದ್ದು ಮುಖಕೆ
ಇನ್ನೆಷ್ಟು ಕಾಟ ಕೊಡುವೆ ನೀನು ದಿನವೂ
ಅದಕೂನು ಆಸೆ
ನಗಬೇಕು ಎಂದು ಪ್ರತಿ ಕ್ಷಣ ಕ್ಷಣವೂ
ಬಿಡು ನೀ ಬೇಸರ
ನೋಡಲಾರ ನೇಸರ
ಕಣ್ಣಿರ ಹರಿಸುತಿರಬೇಡ
ಕಣ್ಣಿಗೂ ಸ್ವಲ್ಪ ಬಿಡುವಿರಲಿ
ಮೌನಕ್ಕೆ ಶರಣಾಗಬೇಡ
ಮಾತಿಗೂ ನಿನ್ನ ಸ್ನೇಹ ಬೆಳೆಯಲಿ
ಬಿಡು ನೀ ಬೇಸರ
ನೋಡಲಾರ ನೇಸರ
ಸುಖವನ್ನೆ ಉಂಡ ಅದೆಷ್ಟೋ ಜನರು
ಖುಷಿಯಾಗಿ‌ ಇಲ್ಲ‌ ಇಂದು
ಕಷ್ಟವನೆ ಎಣಿಸಿ ನಷ್ಟವನು ಪೋಣಿಸಿ
ಗೆದ್ದವರ ಸಂಖ್ಯೆ ಮುಂದು
ಬಿಡು ನೀ ಬೇಸರ
ನೋಡಲಾರ ನೇಸರ!!

ನಾ ರಸಿಕನೂ ನೀ ಚೆಲುವೆಯೂ!

ಆ...ಕೆಂಪು ತುಟಿಯ
ನಾ ಕಚ್ಚಿ ಬಿಡಲೆ
ನಿನ್ನಾ... ಕಣ್ಣಿನಲ್ಲಿ
ನನ್ನ ಕಣ್ಣು ಇಡಲೆ
ಸರಸಕೆ‌ ಇದು ಸಮಯವು
ಸರಿಸು ನೀ ನಾಚಿಕೆ
ವಯಸಲಿ ಇದು ಸಹಜವು
ಮರೆತುಬಿಡು ಅಂಜಿಕೆ

ನಾ....ರಸಿಕನೂ
ರಸವಿದ್ಯೆ ಪರಿಣಿತನು
ಸರಸ ಆಡುತ
ಮೈಯನ್ನೆ ಮರೆಯುವೆನು
ನೀ ಚೆಲುವೆಯೂ
ಚೆಲುವಲ್ಲೆ ಬೆಳೆದವಳು
ಚೆಂದ ಎನ್ನುವ
ಪದವನ್ನೆ ನುಂಗಿಹಳು!

ಸನಿಹ ಇರುಲು ನೀ ಈಗ
ತುಂಬಾ ತುಂಟ ನಾನು
ಸಹಿಸಿಬಿಡು ನನ್ನ ತರಲೆ
ಹರಿದು ಹೋಗಲಿ ಜೇನು
ಆ.....ಕೆಂಪು ತುಟಿಯ
ನಾ ಕಚ್ಚಿ ಬಿಡಲೆ
ಆ ತುಂಟ ನಗೆಯ
ಮೆಚ್ಚಿ ಜಗ ಮರೆಯಲೆ!