ರೂಪಸಿ ನಿನ್ನಯ ರೂಪವೆ ಚೆಂದ
ರಮಿಸಿದೆ ನಿನ್ನ್ ಅಂದ
ಮನಸ್ಸಿಗಂಟಿದೆ
ನಿನ್ನ ಮೈ ಗಂಧ
ಬಯಸಿದೆ ಬಿಗಿ ಬಂಧ!
ತೂಕಡಿಸಿ ಮಲಗಿ ನಿನ್ನ ಮಡಿಲಲಿ
ಆಗಬೇಕು ನಾ ಕಂದ
ಕೆರಳಿಸಿ ಕಾಡಿಸಿ ಮನದ ಮರೆಯಲಿ
ನಗುವುದೇ ಬಲು ಚೆಂದ
ರೂಪಸಿ ನಿನ್ನಯ ರೂಪವೆ ಚೆಂದ
ರಮಿಸಿದೆ ನಿನ್ನ ಅಂದ
ತಣ್ಣನೆ ಗಾಳಿಗೂ ನಿನ್ನಯ ನೆರಳಿಗೂ
ಇಲ್ಲ ಯಾವುದೇ ಭೇದ
ಹೆಜ್ಜೆಯ ಇಟ್ಟರೆ ಗೆಜ್ಜೆಯ ತಾಳಕೆ
ಹೊಮ್ಮುವುದು ಸ್ವರ-ನಾದ
ನೆನೆಯುತ ನಿನ್ನನು ಗೀಚುತ ಪದವನು
ಮೈಮರೆಯುವುದೇ ಆನಂದ!
ರೂಪಸಿ ನಿನ್ನಯ ರೂಪವೆ ಚೆಂದ
ರಮಿಸಿದೆ ನಿನ್ನ್ ಅಂದ
