Monday 28 October 2019

ಅಂದವಾದ ಹೆಣ್ಣಿಗೆ!

ಅಂದವಾದ ಹೆಣ್ಣಿಗೆ
ನೂರು ಕಣ್ಣಿನ ಕಾಟವು
ಎಲ್ಲೆ‌ ಮುಂದೆ ಬಂದರು
ಗಂಡು ಮೃಗಗಳ ಸ್ವಾರ್ಥವು
ಎಲ್ಲ ದಾಟಿ ಗೆಲ್ಲುವ
ಹೆಣ್ಣಿಗಿಹುದು ಛಲವು
ಭಂಡ ಗಂಡಿನ ಎದೆಯನು
ಸೀಳಿ ನಿಲ್ಲುವ ಬಲವು
ಅವಳು ಜಾಣ್ಮೆಯ ಶಾರದೆ
ಅವಳಿಗಿಹುದು ಗಂಡೆದೆ
ಮೋಹ ಪಾಶಕೆ ಸಿಲುಕದೆ
ಬಾಳ ಸವಿಯುವ‌ ತಾಳ್ಮೆಯು!

-SoNi

(ಎಷ್ಟೊ‌ ಹೆಣ್ಣುಗಳು ಹೊರಗೆ ದುಡಿತೀನಿ‌ ಅಂತ‌ ಹೋದಾಗ‌ ಗಂಡು ಮೃಗಗಳು‌ ಅವಳನ್ನು ಅವಳ ಪಾಡಿಗೆ ಕೆಲಸ ಮಾಡಲು ಬಿಡದೆ ಕೆಣಕುವ ಕೆಟ್ಟ ಮನಸುಗಳಿಗೆ, ಅಂತ ಕೆಟ್ಟ ಮನಸುಗಳ‌ ಕಡೆಗೆ ಗಮನ ಕೊಡದೆ ..ತನ್ನ ಗುರಿ ತಲುಪುವ Strong ಹೆಣ್ಣುಗಳಿಗೆ..ಈ‌ ಕವನ)


Sunday 27 October 2019

ನಿನ್ನ ಕಾಣದೆ ಕಣ್ಣಿಗೆ

ನಿನ್ನ ಕಾಣದೆ ಕಣ್ಣಿಗೆ
ಕಂಡದ್ದೆಲ್ಲ‌ ಮಂಜಾಗಿದೆ
ನೀನು ಬಾರದೆ ಎದುರಿಗೆ
ದೂರ‌ ನಿಂತೆ ಕಾಡಿದೆ
ಕದ್ದು‌ ನಿನ್ನ ಹುಡುಕುವ
ಆಟ ನಿಲ್ಲಿಸಲಾರದೆ
ನಾನು ದಿನವೂ‌ ಸೋತಿದೆ
ಸೋತು ಮತ್ತೂ‌ ಹುಡುಕಿದೆ
ಬೇಗ ಬಂದು ಮೆಲ್ಲಗೆ
ನೀ ಉಪಚರಿಸಬಾರದೆ
ಮಂಜಾದ ಈ ಕಣ್ಣಿಗೆ
ಬೆಳಕೊಂದು‌ ಬೇಕಿದೆ
ನಿನ್ನ ಕಾಣಲು ಕಾದಿದೆ!
ನಿನ್ನೆ ಕಾಣಲು ಕಾದಿದೆ!