ಎಲ್ಲಿರುವೆ ನನ್ನ ಪಾರಿಜಾತ ?

ಕಣ್ಣ ಮುಚ್ಚಿ ಧ್ಯಾನ ಮಾಡಿ ನಿನ್ನ ಪಡೆಯಲು ಸಮಯವಿಲ್ಲ
ದಿವ್ಯದೃಷ್ಟಿಯಿಂದ ಹುಡುಕಿ ಗೆಲ್ಲಲ್ಲು, ನಾ ದೇವನಲ್ಲ
ಕಣ್ಣ ಮುಚ್ಚಾಲೆ ಸಾಕು ನಿಲ್ಲಿಸು, ನೀನಿನ್ನೂ ಚಿಕ್ಕವಳಲ್ಲ
ಒಲವ ಧಾರೆ ಎರೆವ ನಿನಗೆ ನಾ ಹೆಚ್ಚೇನು ಹೇಳಬೇಕಿಲ್ಲ 

ಎಲ್ಲಿ ಅಡಗಿರುವೆ ನನ್ನ ಹೃದಯ ಕದ್ದು
ಎದುರು ಬಂದು ಮಾಡಬಾರದೆ ನನ್ನ ಪೆದ್ದು!

ಹಗಲಿರುಳೂ  ನಿಲ್ಲದ ಅಲೆದಾಟ
ನಿನ್ನ ಹುಡುಕುವ ಈ ಅಲೆಮಾರಿ ಪರದಾಟ
ಸಾಕು ಸಾಕು ನಿಲ್ಲಿಸು ನಿನ್ನ ಈ ಆಟ
ಹೃದಯ ಕೊಟ್ಟು ಮನವ ಗೆಲ್ಲೇ, ನನ್ನ ಪಾರಿಜಾತ

ಅಲೆದಲೆದು
ಮನವೂ ಕುರುಡಾಗುವ ಮೊದಲು
ನೀ ಬಂದು ನನ್ನ ಸೇರು
ನಿನ್ನ ಹಳೆಯದನ್ನೆಲ್ಲಾ ಮಾರು
ಶುರುವಾಗಲಿ ನಮ್ಮ ಪ್ರೀತಿ ಕಾರುಬಾರು!

-ಸೋಮೇಶ್ ಎನ್ ಗೌಡ