ಅವ ಮುದ್ದಾಡಿದ

ಅವ ಮುದ್ದಾಡಿದ
ತಣ್ಣನೆ ಗಾಳಿಲಿ ಕಚಗುಳಿಯಿಡುತ
ಅಕ್ಕರೆಯ ಮಾತಿನಲೇ ಕವಿತೆಗಳ ಗೀಚುತ
ಹಾಡುವ ದ್ವನಿಯಲ್ಲಿ ನನ್ನೆಸರ ಕೂಗುತ
ಮೋಡಗಳ ಮರೆಯಲ್ಲಿ ನನ್ನನ್ನು ತಬ್ಬುತ

ಅವ ಮುದ್ದಾಡಿದ
ಪ್ರೇಮದ ಒಳಗಿರೋ ಪುಷ್ಪವ ತೋರಿಸಿ
ಪ್ರೀತಿಯ ಮುಕುಟಕೆ ನನ್ನನೆ ಹೋಲಿಸಿ
ನೋಟವ ಬೆರೆಸಿ,ಭಯವನು ಸರಿಸಿ
ಒಲವಲಿ ಬದುಕುವ ಸೂತ್ರವ ಕಲಿಸಿ

ಅವ ಮುದ್ದಾಡಿದ
ಹೃದಯವು ನಾಚುವ ನರ್ತನ ಮಾಡಿ
ಚಿಲಿಪಿಲಿ ಹಕ್ಕಿಯ ಜೊತೆಯಲಿ ಕೂಡಿ
ತರ ತರ ಹೂಗಳ ಎರಚುತ ಹಾಡಿ
ಈ ಹೃದಯಕೆ ಮಾಡುತ ಪ್ರೀತಿಯ ಮೋಡಿ

ಅವ ಮುದ್ದಾಡಿದ..!!!

-ಸೋಮೇಶ್ ಎನ್ ಗೌಡ