ಕಣ್ಣ್ ಮುಚ್ಚಿ ನಾನಿಂದು ನೆನೆಯಬೇಕು ನಿನ್ನ
ನಿನ್ನ ಅಂತರಾಳವ ಅರಿಯಬೇಕು
ತುಂಟಿಯಂತೆ ಆಡೋ ನಿನ್ನ ಆ ಮನದೊಳಗೆ
ನನ್ನ ಈ ಮನಸಿಟ್ಟು ಬೆರೆಯಬೇಕು
ಮುತ್ತನ್ನು ಇಡಬೇಕು ನಿನ್ನ ಆ ಗಲ್ಲಕ್ಕೆ
ಜೇನಿನಂತೆ ನಿನ್ನ ತುಟಿಯನ್ನು ಸವಿದು
ಪ್ರತಿಯೊಂದು ಕ್ಷಣದಲ್ಲೂ ನೀ ನನ್ನ ಜೊತೆಯಲ್ಲಿ
ಇರಬೇಕು ಹೀಗೆ ನನ್ನೊಲವ ಅರಿತು
ಈ ಪುಟ್ಟ ಬದುಕಿನಲಿ ಒಲವೊಂದೇ ನಮಗಿರಲಿ
ನಗು ನಗುತ ಬಾಳೋಣ ನಾವೆಂದು ಹೀಗೆ
ನಿನ್ನಾಸೆ ನನ್ನಾಸೆ ಎರಡನ್ನೂ ಸೇರಿಸಿ
ಸಾಗೋಣ ನಮ್ಮ ದೋಣಿ ಮುಳುಗದ ಹಾಗೆ.
ಸೋಮೇಶ್ ಎನ್ ಗೌಡ
No comments:
Post a Comment