ಮುದ್ದು ಹುಡುಗಿಯ ಕರೆ

ಮುದ್ದಾದ ಹುಡುಗಿಯ ಹೃದಯ
ಖುದ್ದಾಗಿ ಕರೆದಿದೆ ನನ್ನಯ
ಸಿಹಿ ನೀಡಲೋ! ಸಹಿ ಮಾಡಲೋ!
ಸಂಬಂಧ ಬೆಸೆಯುವ ಬಯಕೆಯೋ...

ಆರರ ಹೊತ್ತಿಗೆ ಅರಸನಂತೆ ಬಾ
ಜೊತೆಯಲಿ ಒಂದು ಗುಲಾಬಿ ತಾ
ಹೀಗೆಲ್ಲಾ ಆಜ್ಞೆ ಮಾಡಿ ಕರೆದಿಹಳು ನನ್ನ
ಏಕೆಂಬುದೇ ತಿಳಿದಿಲ್ಲ ನನಗಿನ್ನ.....?

ಸೆಳೆದಿಹಳು ನನ್ನ ಅಯಸ್ಕಾಂತವು
ಕಬ್ಬಿಣವ ಸೆಳೆದಂತೆ
ಮುತ್ತಿಗೆ ಹಾಕಿ ಮುತ್ತನು ನೀಡವ
ಚೊಚ್ಚಲ ಬಯಕೆಯೂ ಅವಳಿಗಿದೆಯಂತೆ
ಎತ್ತಲು ಹೋಗಲಾಗದೆ ಸುತ್ತಲು ನೋಡಲು

ಅವಳದೇ ರೂಪವು ಕಾಡುವುದಂತೆ
ಏನಾಗುವುದೇನೋ,ಅರಿಯೆನು ನಾನು?
ಕಾದುನೋಡಬೇಕಷ್ಟೇ ಎಲ್ಲರಂತೆ...!!!

  -ಸೋಮೇಶ್ ಎನ್ ಗೌಡ