ಬಹಳ ದಿನಗಳ ಹಿಂದೆ

ಬಹಳ ದಿನಗಳ ಹಿಂದೆ
ಬಾರಿಗೋಗಿದ್ದೆ ನಾ
ಬ್ರಾಂದಿ ಕುಡಿಯಲು ಅಲ್ಲ
ಬಿಲ್ ಪೇ ಮಾಡಲೂ ಅಲ್ಲ!
ಕುಡಿದು ಕುಡಿದು ಬಳಲಿ ಬಿದ್ದಿದ್ದ
ಗೆಳೆಯನ ಹೊತ್ತು ತರಲು!
ಅವನ ಮನೆಗೆ ಕೊಂಡೊಯ್ಯಲು

ಸಂಸಾರದಿಂದ ಬೇಸರಗೊಂಡು
ಸಂಗಾತಿಯೊಡನೆ ಮುನಿಸಿಕೊಂಡು
ಎಲ್ಲಾನು ಮರೆತುಬಿಡಲೆಂದು
ಮನಸ್ಸನ್ನು ಹರಿದು ಬಿಟ್ಟು
ಸಾಕು ಸಾಕೆನಿಸುವಷ್ಟು ಕುಡಿದು
ಜ್ಞಾನವಿಲ್ಲದೆ ಮಲಗಿದ್ದ ತಣ್ಣನೆ, ಬಾರಲ್ಲಿ!

ಮೈಗಂಟಿತ್ತು ಬಾರ್ ಗಂಧ
ಕೆಟ್ಟು ಹೋಗಿತ್ತು ಮನದ ಅಂದ
ತಬ್ಬಿ ಎಳೆದೊಯ್ಯುವಾಗವನ
ನನ್ನ ಮನ ಕೇಳಿತು ಪ್ರಶ್ನೆ
ಲೈಫು ಇಷ್ಟೇನಾ ?
'
'
ವೈಪು ಹೀಗೂ ನಾ

-ಸೋಮೇಶ್ ಎನ್ ಗೌಡ