ದೀಪವ ಹಚ್ಚುತಾ

ದೀಪವ ಹಚ್ಚುತಾ
ಧೀರನ ನೆನೆದಳು
ದೇಗುಲದಂತ ಮನಸಿನಲಿ
ದೇಶವ ಕಾಯುತ
ಧೈರ್ಯದಿ ನುಗ್ಗುತ
ವೈರಿಯ ಹುಟ್ಟಡಗಿಸೋ
ಮನಧೀರನ  ಹರಸುತಲಿ
ವರವನು ಬೇಡುತ
ಮನದಲೆ ಹಾಡುತ
ಮೆಲ್ಲನೆ ಭಜಿಸಿದಳು ಭಕುತಿಯಲಿ
ತನ್ನೊಡೆಯನಿಗೆ ರಕ್ಷೆಯ
ಕರುಣಿಸೋ ತಂದೆ
ಅವ ದೇಶದ ಕೀರ್ತಿಯ ಬೆಳಗಿಸಲಿ
ಹೆಮ್ಮೆಯ ವೀರನಾಗಿ ಮೆರೆಯುತಿರಲಿ
ಹೆಮ್ಮೆಯ ವೀರನಾಗಿ ಮೆರೆಯುತಿರಲಿ

         -ಸೋಮೇಶ್ ಎನ್  ಗೌಡ

ನಾ ಬಿಟ್ಟ ಬಾಣ

ನಾ ಬಿಟ್ಟ ಬಾಣ
ಅವನೆದೆಗೆ ತಾಕಿ
ಮೂಡಿಹುದೆ ಪ್ರೀತಿ ಇಂದು
ಒಲವೆಂಬ ಪಯಣ
ಶುರುವಾಗಿ ಅವನ
-ಜೊತೆಯಲ್ಲಿ ಸೇರುವುದೆಂದು?

ನನ್ನವನ ಮೊಗವು
ಹೂ ತುಂಬಿದ ವನವು!
ಸೆಳೆಯುತಿದೆ ದಿನವು ದಿನವೂ
ಪ್ರತಿ ರಾತ್ರಿ ಕನಸ
ಅದುಮಿಟ್ಟು ಮನಸ
ಬೇಯುವುದು ಇನ್ನೆಷ್ಟು ದಿವಸ

ನನ್ನೊಡೆಯಾ ಬಾರೋ
ಹೊಸ ಬೆಳಕ ತೋರೋ
ನೀಡೆನಗೆ ನಿನ್ನ ಹೃದಯ
ಈ ಜೀವ ನಿನ್ನದೆ  ಗೆಳೆಯ
ಈ ಜೀವ ನಿನ್ನದೆ ಗೆಳೆಯ

-ಸೋಮೇಶ್ ಎನ್ ಗೌಡ